Бугун: 26 Июн 2019 йил

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ
Бош сахифа > Янгиликлар > Ҳаёт бўстонида бирлашган халқ


"Ижтимоий фикр" жамоатчилик фикрини ўрганиш марказининг аҳоли ўртасида олиб бораётган сўров натижаларидан ҳам билишимиз мумкинки, ҳамюртларимиз мустақиллик йиллари­да тинчлик, миллатлараро ва фуқаролар ўртасидаги аҳиллик тушунчаларини қадр­лаб, уларга ўзларини дахлдор, деб биладилар. Улар тинчлик ва осойишта­ликни истиқлол даврида эришилган кат­та ютуқ, дея ҳисоблашлари бунинг тас­диғидир.

Юртдошларимизнинг мутлақ катта қисми (98,6 фоиз) бу фикрга тўлиқ қўши­ладилар. Мониторинг якунлари асосида мил­лати, дини, ижтимоий мақомидан қатъи назар, ҳамюртларимиз Ўзбекис­тон фуқа­роси эканидан фахрланади.

— Яқинда чет давлатга бориб, қарин­дошлар билан дийдорлашиб қайтдим, — дейди ҳамшаҳаримиз Луиза Ким. — Бир неча кун давомида у ерда бўлиб юртим қадрини янада ҳис қил­дим. Миллий ош, ширин кулчаю патирларимиз, гўзал табиатли юртим ва меҳрибон халқимни, бетакрор, серқуёш Ўзбекисто­ни­мизни соғиндим!.. Қўлимга ортга қайтар чипта­ни олганим­дан кун санай бошладим. Само­лёт она заминга келиб қўнгач, ўзим­нинг онамни бағрида тургандек эркин ва бахтиёр, хурсанд ҳис қилдим! Биз шу юртнинг фар­занди, бир бўлагимиз. Бошқа дав­латда яшашни тасаввур ҳам қилолмай­ман! Корейс маданий маркази­да барча анъаналаримизни эркин давом эттириб келаяпмиз, ҳаётимиз фаровон, фарзанд­ларимиз, невараларимиз бу ерда ўз ўр­нига, қадрига эга.

Бугун вилоятимизда рус, қозоқ, қора­қал­поқ, озарбайжон, татар-бошқирд, яҳудий, корейс миллий маданий марказ­лари фаолият юритмоқда. Жорий йилда 25 йиллик юбилейини нишонлаётган Республика рус миллий маданий марка­зи ва унинг филиаллари томонидан кон­цертлар, адабий-бадиий кечалар уюш­тирилаяпти. Шунингдек, "Масленица", "День матери", "Пасха" сингари миллий байрамлари кенг жамоатчилик ишти­рокида ўтказилади.

— Яқинда вилоят рус миллий маданий маркази ўзининг "Диво дивное — песня русская" рус миллий фольклор қўшиқла­ри кунини нишонлади, — дейди марказ раҳбари И. Коржикова. — Меҳнат фах­рий­ларидан ташкил топган хор жамоаси миллий куй-қўшиқларимизни ёшларга ўргатиб келмоқда. Тикиш-бичиш, тўқиш тўгаракларимизда ўқувчи ёшлар халқона либосларимиз, ҳунармандчиликни ўрга­наяпти. Биз ўз фаолиятимиз билан кўп миллатли халқимиз орасидаги меҳр-оқи­бат, қардошлик муносабатларини мус­таҳкамлашда, шу юрт учун бир жону бир тан бўлиб яшаш бахтига муяссар эканимиздан фахрланамиз.

"The Washington Times" газетаси "Ўзбекистон — диний бағрикенглик қарор топган юрт", деб номланган мақолада муаллиф ¤збекистоннинг бағрикенглик ва тинч-тотувлик юрти сифатида эъти­роф этади. Бу ерда турли миллатларнинг ўзаро баҳамжиҳат ҳаёт кечириши, сай­ёҳларга муносабат, зиёратгоҳлар, лаз­зат­ли таом­лар, урф-одатларимизни қа­лам­га олади. Ушбу эътирофлардан ҳам билишимиз мумкинки, юртимиз барча миллат ва элат­ларга бағри очиқ, ҳурмат эҳтиромдадир.

Ҳилола ИСМАТОВА.

Манбаа: dustlikbayrogi.uz

Кўрилганлар сони: 2574 

Биз билан алоқа

(*) белгиси билан кўрсатилганлар киритилиши шарт.

Тасвирдаги ёзувни киритинг *


Система Orphus